• العربية
  • English
page-banner

يعنى ايه سيو SEO ؟

يعنى ايه سيو SEO ؟

يعنى ايه سيو SEO ؟

SEO أختصار لـ Search Engine Optimization ومعناه تهيئة الموقع لمحركات البحث زى جوجل وياهو (Yandex)

طيب ما توضح شويه يعنى ايه تهيئة ( SEO ) ؟

تهيئة يعنى إعداد وتجهيز الموقع علشان يوصل فى الصفحة الأولى لجوجل ودى أهم صفحة فى محرك بحث جوجل وفيها 10 نتائج بس مع اعلانات فى اول الصفحة وآخر الصفحة والغرض من اهمية الصفحة الاولى او الـ 10 نتائج اللى بتظهر دى هى اللى الناس بتستخدمها علشان توصل للحاجه اللى بتبحث عنها سواء بقى بغرض الشراء من الموقع او البحث عن معلومه او مكان …. الخ .

اشهار الموقع

و اشهار الموقع يختلف عن عملية السيو علشان فى فرق كبير بين الاتنين وقولنا ان السيو هى عملية مصادقة لمحركات البحث ومحرك البحث يعطى ثقة للموقع لكن الإشهار فى حد ذاته ليه طرق تانيه زى الدعاية والاعلانات المدفوعة . علشان كدة السيو فى تعريفة غير الاشهار والانتشار لأن الأخير دا بيتم علشان نعلن عن منتج او سلعة او موقع لزيادة انتشارة.

طيب ازاى اصادق محركات البحث ؟

كل فترة تقريبا 3 شهور جوجل بتقدم تغييرات فى اللوغاريتمات اللى بتستخدمها علشان ترتب المواقع وتختار مين هيبقى اعلى من مين ومين بيقدم محتوى مفيد للزائر اكتر من التانى
يبقى نعمل ايه !!!

نتابع آخر الاخبار اللى بتخص محركات البحث دايما وسؤال المتخصصين فى مواقع السوشيال ميديا عن اخر المستجدات والنصائح فى السيو.

نشوف دايما ايه الادوات اللى بتساعد فى تحسين ترتيب الموقع فى جوجل ومحركات البحث ونحاول نتعامل معاها
كمان نعرف ايه الشروط اللى مفروض نطبقها فى الموقع بتاعنا والأهم بقى من كل دا المحتوى (الملك) لأن المحتوى هو اهم حاجة فى الموضوع وجوجل بيقيم الموقع بناء على اهمية المعلومات اللى بتقدمها فى موقعك وبتحدث محتوى موقعك كل قد ايه وبتضيف معلومات دايما ولا كل فتره .

تمام كده عرفنا شويه معلومات حلوه عن السيو ، طيب هو ممكن بعد ما احتل مركز متقدم فى الصفحه الاولى من جوجل موقعى يتراجع الى الصفحه التانيه ؟

طبعا ممكن وأكيد يحصل فى حالة انك مش بتتابع كل جديد وبتحدث موقعك بإستمرار يبقى هتخسر الترتيب بتاعك فى الصفحة الأولى .

هو سيو SEO دا مجانى ولا بفلوس ؟

علشان نوصل للصفحة الأولى فى جوجل قدامنا طريقين

  • الطريق المجانى وهو (السيو)
  • الطريق المدفوع وهو (جوجل أدووردز Google Adwords)

السيو SEO مجانى علشان بتستخدم أساليب وطرق مصادقة جوجل واختيار الكلمات المفتاحية المناسبة اللى بيبحث بيها الزائر (هنعمل عليها موضوع لوحدة) وبتعمل اعداد لصفحات موقعك علشان يتماشى مع قواعد محركات البحث ، طبعا كده مجانى بس بتحتاج مجهود وشغل كتير وأحيانا بتحتاج فريق عمل معاك لإختصار الوقت والمجهود .

– المدفوع بقى انك بتدفع فلوس لجوجل نفسها علشان تظهرك فى الصفحة الأولى فى الكلمات المحددة اللى انت عايز تظهر بيها وتختارها وبينتهى ترتيبك بإنتهاء فلوسك.

يعنى تعتبر حملة اعلانية علشان نظهر بسرعة وفى وقت معين احنا نختارة فى الترتيب الأول فى صفحة جوجل وبيبقى مكتوب جنب موقعك كلمه Ads يعنى اعلان وبيبقى مخصص للإعلانات المدفوعة من جوجل أول أربعة روابط فى الصفحة وقولنا النقطه دى قبل كدة.

واخيراً، علشان نقرر نختار شركة تصميم مواقع وتقدم خدمة اشهار المواقع SEO لازم تختار شركة لها سابقة اعمال نجحت فى رفع ترتيبهم.

شركة زينة هوست افضل شركة تصميم مواقع بالسعودية و مصر وخدمات ارشفة المواقع وتطوير المواقع الالكترونية و تطبيقات الموبايل فى مصر والخليج.

انشر الصفحة